MSHITAKIWA KESI YA KUSAFIRISHA TWIGA AUGUA GHAFLA

Moshi

MAHAKAMA ya hakimu mkazi mjini Moshi jana imelazimika kuahirisha kesi ya utoroshwaji wa Twiga kwenda Uarabuni baada ya mshtakiwa wa kwanza
katika kesi hiyo Kamran Ahmed,kuugua ghafla muda mchache kabla ya kufika mahakamani hapo.

Kwa mujibu wa wakili wa mshtakiwa huyo Edmund Ngemela aliieleza mahakama hiyo kwamba mshtakiwa huyo Sukari imepanda na hivyo kushindwa kufika mahakamani kuendelea na kesi inayomkabili.

Mbele ya hakimu wa mahakama hiyo, Simoni Kobelo na mawakili wa pande zote mbili, Ngemela alisema kulingana na hali ya afya ya mteja wake ilikuwa ni vigumu kufika mahakamani hapo.

"Mheshimiwa hakimu kesi hii ilikuja kwa ajili ya kuendelea na mashahidi upande wa mashtaka,lakini niiombe mahakama yako tukufu, kuaihirisha kwani mteja wangu, sukari imepanda kuliko kiwango cha
kawaida"alisema

Katika kesi hiyo iliyolazimika kuzungumzwa katika mahakama ya ndani(Chamber court) upande wa mawakili wa serikali haukuwa na pingamizi na maombi hayo na kutaka mahakama kufuata taratibu zake.

Kesi hiyo ilikuja mahakamani hapo kwa ajili ya kuendelea na ushahidi ambapo upande wa mashtaka ukiongozwa na mawakili Evetha Mushi, Joseph Maugo na Steven Mwanasenjele ilifika kwa ajili ya kuongoza mashahidi wao kuendelea na ushahidi katika kesi hiyo.

Tayari upande wa mashtaka umeleta jumla ya mashahidi 21 na kwamba Februari 26 ilikua ni mwendelezo wa mashahidi wake kufika mahakamani hapo.

Kufuatia maombi hayo,hakimu Kobelo aliahirisha kesi hiyo hadi Machi 21, 24 na 25 mwaka huu.

Akizungumza na wanahabari nje ya mahakama,wakili Ngemela alisema mteja wake alimuacha nyumbani kwake asubuhi akiwa katika mipango ya kwenda hospitali kwa ajili ya kutazama Zaidi afya yake.

Hata hivyo kesi hiyo ambayo ilipangwa kusikilizwa kuanzia saa 3.00 asubuhi katika mahakama ya wazi,lakini wanahabari walijikuta wakisubiri hadi saa 4.55 asubuhi bila kufahamu kilichoendelea hadi walipotaarifiwa kesi inaahirishwa katika mahakama ya ndani.

Juzi shahidi wa 20,Robert Nyanda alielezea mazingira ya siku ya tukio na alivyopokea maelekezo kutoka kwa bosi wake Rosemary Isarael ya kuandaa vifaa vya kuinua vitu vizito kwa ajili ya kupakia wanyama hao
katika ndege ya Qatar.

Aidha shahidi huyo aliieleza mahakama hiyo kuwa siku ya tukio wanyama hao walipakiwa katika ndege hiyo majira ya saa nane usiku huku wakiletwa uwanjani hapo na gari aina ya Fuso pamoja na vijana maalum
kwa ajili ya kusaidia upakiaji wake katika ndege.

Naye shahidi wa 21, Rewald Amani alieleza mahakama kuwa ndege hiyo ilitua nchini Novemba 24 na kuondoka Novemba 26 mwaka 2010 ikiwa salama bila kuwapo kwa tatizo lolote.

Washtakiwa katika kesi hiyo ni pamoja na raia wa Pakistan, Kamran Ahmed, Hawa Mang'unyuka, Martin Kimath na Michael Mrutu ambao wote wako nje kwa dhamana.

Comments

Post a Comment

Popular posts from this blog

MAKATIBU WA CCM VUNJO WASEMA HAWANA UGOMVI NA KATIBU WAO WA WILAYA.

Image
Mwenezi wa Chama cha Mapinduzi Moshi vijijini  ,Hussein Jamal akizungumza wakati wa kikao cha makatibu kata na makatibu wa matawi kilichofanyika katika hotel ya King Size Himo. Mwenyekiti wa Makatibu katika jimbo la Vunjo ,Shaban Mwangi akisoma taarifa ambayo inadaiwa kupikwa kwa lengo la kukivuruga chama hicho katika jimbo la Vunjo. Baadhi ya viongozi wakisilikiliza kwa makini. Naibu kamanda wa vijana wilaya ya Moshi vijijini ,Innocent Shirima akizungumza wakati wa kikao hicho kilichokuwa na lengo la kurudisha hali ya amani na umoja ndani ya chama cha mapinduzi jimbo la Vunjo. Katibu wa Chama cha Mapinduzi wilaya ya Moshi vijijini Miriam Kaaya akizungumza wakati wa kikao hicho ambacho kilijadili pia tuhuma zilizotolewa dhidi yake. Makatibu wakila kiapo . Baadhi ya makatibu katika kikao hicho. Na Dixon Busagaga wa Globu ya jamii kanda ya kaskazini.
Read more

TIB YAKABIDHI MICHORO HALISI YA KITUO CHA MABASI KWA UONGOZI WA MANISPAA YA MOSHI.

Image
Mkurugenzi wa Mipango na Mikakati wa Benki ya Rasilimali nchini (TIB) Jaffer Machano akizungumza wakati wa kikao kifupi kati ya uongozi wa TIB na ule wa Manispaa ya Moshi juu ya Ujenzi wa kituo kipya cha kisasa cha Mabasi cha Ngangamfumuni . Kikao kinaendelea. Mstahiki Meya wa Manispaa ya Moshi ,Jafary Michael akizungumza wakati wa kikao hicho. Mkurugenzi wa Manispaa ya Moshi ,Shaban Ntarambe akitoa neno la shukrani wakati ujumbe wa Benki ya Rasilimanli nchini TIB ulipotembelea ofisini kwake kwa ajili ya kukabidhi michoro halisi ya kituo kikuu cha mabasi cha kisasa cha Ngangamfumuni . Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael ,CD ya  mchoro halisi wa Jengo la kisasa la kituo kikuu cha Mabasi cha Ngangamfumuni mkoani Kilimanjaro Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael  makabrasha ya mic
Read more

BENKI KUU YATOA TAARIFA KUHUSU UPOTOSHAJI JUU YA SARAFU YA SH ,500/

Image
  Asilimia 94 ya madini katika sarafu ya sh. 500 ni chuma na asilimia 6 ni Nickel, ameeleza Mkurugenzi wa Huduma za Kibenki katika Benki Kuu ya Tanzania, Bw. Marcian Kobello.  Pia ndivyo ilivyoelezwa wakati wa uzinduzi wa sarafu hii mnamo mwezi Septemba mwaka jana kabla haijaingizwa katika mzunguko mwezi Oktoba 2014.  Bw. Kobello amesema hadi sasa sarafu zenye thamani ya sh. 1,162,000,000/- zimekwishasambazwa kote nchini na kwamba kuna kiasi cha kutosha cha sarafu hiyo endapo itahitajika. “Hakuna kabisa madini ya fedha katika sarafu ya sh. 500,” amesema Bw. Kobello na kuongeza kuwa haitegemewi kwamba mfanyabiashara yeyote anaweza kununua sarafu hiyo kwa bei ya juu kuliko thamani yake halisi. “Kwa hiyo, tunapenda kuwafahamisha wananchi kwamba kuna kiasi cha kutosha cha sarafu za sh. 500 nchini na kwamba kununua sarafu hiyo kwa bei ya juu kuliko thamani yake ni kujiingizia hasara,” ameeleza mkurugenzi huyo. Pia ameongeza kuwa Nickel sio miongoni mwa mad
Read more