SHAHIDI KESI YA KUSAFIRISHA TWIGA AMKAANGA MTUHUMIWA .

Aina ya ndege inayodaiwa kutumika kurosha wanyama Hai.
Moshi

SHAHIDI wa 20 katika kesi ya utoroshaji wanyama hai kwenda Uarabuni ameileza mahakama ya hakimu mkazi mjini Moshi kuwa mshtakiwa wa kwanza
katika kesi ya utoroshaji Twiga kwenda Uarabuni,Kamran Ahmed alikuwa ni miongoni mwa watu waliokuwepo siku ya tukio la kusafirisha wanyama hao.

Shahidi huyo Robert Nyanda mkazi wa Dar es salaam aliieza mahakama hiyo kuwa mshtakiwa huyo alikuwa ameambatana na watu wengine ambao kwa pamoja walikwenda na gari ndogo katika uwanja wa ndege wa kimataifa wa Kilimanjaro(KIA).

Akiongozwa na wakili wa serikali,Evetha Mushi,mbele ya hakimu mkazi wa mahakama hiyo, Simon Kobelo, shahidi huyo mtumishi wa kampuni ya Swissport uwanja wa ndege wa Mwl Julius Nyerere(JKNIA) alieleza
kumuona mshitakiwa uwanjani hapo akiwa na wenzake.

Aliieleza mahakama kuwa mshtakiwa huyo akiwa na wenzake ambao aliwataja kwa majina ya Msakamali na Kimath wafika uwanjani hapo na gari dogo huku gari jingine aina ya Fuso likiwa na wanyama hao tayari
likiwa jirani kabisa na Ndege.

"Wakati natoka ofisini kwangu usiku nikakuta gari aina ya Fuso limepaki tayari karibu na ndege likiwa na wanyama pamoja na timu kubwa ya watu ambao walikuwa na lengo la kusaidia upakiwaji wa mizigo hiyo
katika ndege."alieleza Nyanda.




"Baadae lilikuja gari nyingine ikiwa na Crane(chombo cha kuinulia vitu vizito)maalumu kwa ajili ya kushushia mizigo ilikuja pia gari ndogo ambayo pia ilikuwa na watu wengine,nilimuona Msakamali(aliyemtaja kama mfanyakazi wa TRA)Kimath(ambaye ni miongoni mwa washitakiwa)na watu wengine wawili wenye asili ya Kihindi(Asia)"aliongeza Nyanda.

Alieleza akiwa kama afisa wa kampuni ya Swissport, alikuwa na jukumu la kusimamia,kupakia na kupakua mizigo kutoka katika ndege na kwamba siku hiyo alikuwa ameagizwa na bosi wake aliyemtaja kwa jina la Rosemary Israel, kuandaa vifaa vya aina tatu vya kubebea vitu vizito.

Alieleza mahakama hiyo kuwa siku ya tukio pia alimuona msimamizi wa kitengo cha wanyama katika uwanja huo lakini hakutilia shaka kwa kuwa alijua yupo kazini.

"Kazi ya upakiaji wa mizigo katika ndege ya Qatar ilifanyka majira ya saa nane usiku, sisi hatukuwa na jukumu la kukagua kwa vile ndege haikuwa ya kwetu,tulichotakiwa kufanya ni kusaidia upakiaji wa mizigo
tu,masuala mengine yalikuwa chini ya kampuni ya Equity aviation.

Akijibu maswali ya wakili wa utetezi, Edmund Ngemela, aliyetaka kufahamu alipo bosi wa shahidi huyo,Rosemary Israel, shahidi huyo alisema hiyo haikuwa kazi yake.

Aidha wakili huyo alitaka kufahamu sababu za shahidi huyo kutokagua nyaraka za mzigo uliokuwa ukipakiwa katika ndege hiyo shahidi huyo alisema lilikuwa jukumu la kampuni ya Uquity kwani wao waliombwa kutoa vifaa vya kunyanyua vitu vizito tu.

Naye shahidi wa 21 katika kesi hiyo,Rewald Amani aliyekuwa meneja muongozaji wa ndege katka uwanja wa Kia,alithibitisha kutua kwa ndege hiyo Novemba 24, 2010  katika kiwanja hicho na kuondoka Novemba 26, 2010 ikiwa salama kuelekea Doha Qutary.

Alieleza mahakama hiyo kuwa awali ndge hiyo iltakiwa kutua kiwanjani hapo Novemba 7 lakini haikufika kutokana na sababu ambazo hazifahamu hadi hapo ilipotua Novemba 24 kiwanjani hapo bila kuwapo na tatizo lolote la kiusalama au kiufundi.

Kesi hiyo imepangwa kuendelea tena Februari 26 mwaka huu(Leo) ambapo upande wa mashtaka utendelea kuleta mashahidi wake na washtakiwa ni pamoja na raia wa Pakistan, Kamran Ahmed, Hawa Mang'unyuka, Martin Kimath na Michael Mrutu ambao wote wako nje kwa dhamana.

Mwisho.

Comments

Post a Comment

Popular posts from this blog

MAKATIBU WA CCM VUNJO WASEMA HAWANA UGOMVI NA KATIBU WAO WA WILAYA.

Image
Mwenezi wa Chama cha Mapinduzi Moshi vijijini  ,Hussein Jamal akizungumza wakati wa kikao cha makatibu kata na makatibu wa matawi kilichofanyika katika hotel ya King Size Himo. Mwenyekiti wa Makatibu katika jimbo la Vunjo ,Shaban Mwangi akisoma taarifa ambayo inadaiwa kupikwa kwa lengo la kukivuruga chama hicho katika jimbo la Vunjo. Baadhi ya viongozi wakisilikiliza kwa makini. Naibu kamanda wa vijana wilaya ya Moshi vijijini ,Innocent Shirima akizungumza wakati wa kikao hicho kilichokuwa na lengo la kurudisha hali ya amani na umoja ndani ya chama cha mapinduzi jimbo la Vunjo. Katibu wa Chama cha Mapinduzi wilaya ya Moshi vijijini Miriam Kaaya akizungumza wakati wa kikao hicho ambacho kilijadili pia tuhuma zilizotolewa dhidi yake. Makatibu wakila kiapo . Baadhi ya makatibu katika kikao hicho. Na Dixon Busagaga wa Globu ya jamii kanda ya kaskazini.
Read more

NAIBU WAZIRI WA MALIASILI, ENG. RAMO MAKANI AZINDUA MIRADI YA TANAPA CHAMWINO, DODOMA, AELEZA MIPANGO YA SERIKALI YA KUKABILIANA NA TATIZO LA WANYAMAPORI WANAOVAMIA MAKAZI YA WATU

Image
Naibu Waziri wa Maliasili na Utalii, Eng. Ramo Makani (kushoto) akizungumza na wananchi wa kijiji cha Ilangali Wilaya ya Chamwino Mkoani Dodoma jana muda mfupi kabla ya kuweka jiwe la msingi katika zahanati ya kijiji hicho. Mradi huo wa zahanati umefadhiliwa kwa ushirikiano wa TANAPA Tsh. Milioni 25, Mbunge wa Jimbo la Mtera (Livingstone Lusinde) Tsh. Milioni 14.3 na Wananchi wa kjiji hicho Tsh. Milioni 12.  Naibu Waziri wa Maliasili na Utalii, Eng. Ramo Makani (kushoto) akizindua mradi wa bweni la wasichana katika shule ya Sekondari Maila iliyopo Chamwino, Dodoma jana, mradi huo umefadhiliwa kwa ushirikiano wa TANAPA kupitia Mradi wa Ujirani Mwema, Tsh. Milioni 115.83 na Wananchi wa Kata ya Manda Tsh. Milioni 33.72. Kulia ni Mbunge wa Jimbo la Mtera, Lingstone Lusinde. Naibu Waziri wa Maliasili na Utalii, Eng. Ramo Makani (kushoto) akimkabidhi Mkuu wa Wilaya ya Chamwino, Vumilia Nyamoga (kulia) Hati ya Makabidhiano ya mradi wa bweni la wasichana katika shule ya Sekondar...
Read more