MTOTO WA MIAKA 9 ATAKA KUWEKA REKODI YA KUPANDA MLIMA KILIMANJARO KWA KUTUMIA NJIA NGUMU.

Mzazi wa mtoto Idda Baitwa,Bw Respcius Baitwa akifanya maandalizi na mwanae ya kuanza safari  ya kuweka rekodi ya
kupanda Mlima Kilimanjaro
Mtoto Idda Baitwa akiwa na baba yake mzazi Bw Respcius Baitwa pamoja na ndugu zake wakiwa katika picha ya pamoja muda mfupi kabla ya kuanza safari  ya kuweka rekodi ya
kupanda Mlima Kilimanjaro.
Mtoto Idda Baitwa akijiandikisha katika lango la Umbwe la kupanda mlima Kilimanjaro kabla ya kuanza safari ya kupanda mlima huo.nyuma yake ni Bw Respicius Baitwa akshuhudia.
Safari ya kupanda Mlima Kilimanjaro kwa mtoto Idda Baitwa ikaanza.
Na Dixon Busagaga wa globu ya jamii kanda ya kaskazini.
 
MTOTO wa miaka tisa(9) Idda Baitwa ameanza safari  ya kuweka rekodi ya kupanda Mlima Kilimanjaro akiwa na umri mdogo zaidi huku akitumia njia ya Umbwe ambayo inaaminika kuwa ngumu zaidi kwa watalii wakati wa kupanda mlima huo.
Msichana huyo mwanafunzi wa darasa la nne, katika shule ya msingi Mnazi iliyoko Manispaa ya Moshi, mkoani Kilimanjaro alianza safari hiyo Juni 28, mwaka huu ambapo ikiwa atafanikiwa kufika katika cha mlima huo atakuwa amaeweka rekodi mpya.
Akizungumza na Globu ya jamii wakati akianza safari ya kupanda mlima huo, katika lango la kupandia la Umbwe-Kibosho, Idda alisema matarajio ya kutimiza ndoto yake ya kuwa mtanzania wa kwanza kufika katika kilele cha mlima Kilimanjaro katika umri mdogo kwa kupitia njia ngumu huenda sasa yakatimia.
Idda, alisema kwa muda mrefu amekuwa akitamani kuupanda mlima huo kama njia ya kuthibitisha uzalendo wake ambapo pia anaamini kwa kufanya hivyo atakuwa ametoa hamasa kwa watanzania wengine hususani wanawake kutembelea vivutio vya ndani.
Alisema ameamua kufuata nyayo za Baba yake ambaye tayari kwa sasa anajiandaa kuweka rekodi ya kuwa mtanzania na mwafrika wa kwanza kupanda vilele saba virefu katika mabara yalioko duniani ambayo hadi sasa ameshapanda vilele vinne.
"Nimekuwa nawaza juu ya azma yangu ya kuwa wa kwanza, nimekuwa nikimuona Baba akipanda milima nikawa natamani sana kufanya hivyo, nimechagua Njia hii ngumu kuliko zote kwa sababu nataka kuwaonesha watanzania wenzangu kwamba tunaweza na sio kuwaachia wageni pekee," alisema Idda.
Akizungumzia hatua ya Binti yake huyo  Baba mzazi wa Idda ,Respicious Baitwa aliishauri serikali kupitia wizara ya elimu kuweka msisitizo kwa wanafunzi mashuleni na vyuoni kutembelea hifadhi za taifa ili kujionea vivuito mbalimbali sanjari na kuwajengea hali ya uzalendo wa kupenda vitu vya
nyumbani.
Alisema ipo haja kwa serikali kupitia wizara ya elimu kuelekeza nguvu kwenye shule za msingii na vyuo kuwahamasisha wanafunzi kupanda mlima kilimanjaro kwa lengo la kuongeza hamasa ya watanzania kujitokeza kufanya utalii wa ndani.
"Sekta ya Utalii ina kazi kubwa sana ya kufanya, sio sekta hii tu hata Wizara ya elimu nadhani ni muda mwafaka sasa inatakiwa kujipanga na kuanza kuhamasisha wanafunzi mashuleni kupenda kutembelea vivutio vyetu, ipo haja ya kuongeza katika mnasomo mashuleni somo la utalii wa ndani na sio kuzungumza tu kwebnye vyombo vya habari," alisema Baitwa.
Kwa upande wake, LightnessSebastian, ambaye ni mwalimu wa shule ya msingi Mmbee iliyopo wilaya ya Mwanga, ameiomba wizara ya elimu kuongeza somo la utalii wa ndani katika mitaala ya elimu kwa lengo la kuwapa wanafunzi uelewaa wa utalii wa ndani

Comments

Post a Comment

Popular posts from this blog

MAKATIBU WA CCM VUNJO WASEMA HAWANA UGOMVI NA KATIBU WAO WA WILAYA.

Image
Mwenezi wa Chama cha Mapinduzi Moshi vijijini  ,Hussein Jamal akizungumza wakati wa kikao cha makatibu kata na makatibu wa matawi kilichofanyika katika hotel ya King Size Himo. Mwenyekiti wa Makatibu katika jimbo la Vunjo ,Shaban Mwangi akisoma taarifa ambayo inadaiwa kupikwa kwa lengo la kukivuruga chama hicho katika jimbo la Vunjo. Baadhi ya viongozi wakisilikiliza kwa makini. Naibu kamanda wa vijana wilaya ya Moshi vijijini ,Innocent Shirima akizungumza wakati wa kikao hicho kilichokuwa na lengo la kurudisha hali ya amani na umoja ndani ya chama cha mapinduzi jimbo la Vunjo. Katibu wa Chama cha Mapinduzi wilaya ya Moshi vijijini Miriam Kaaya akizungumza wakati wa kikao hicho ambacho kilijadili pia tuhuma zilizotolewa dhidi yake. Makatibu wakila kiapo . Baadhi ya makatibu katika kikao hicho. Na Dixon Busagaga wa Globu ya jamii kanda ya kaskazini.
Read more

TIB YAKABIDHI MICHORO HALISI YA KITUO CHA MABASI KWA UONGOZI WA MANISPAA YA MOSHI.

Image
Mkurugenzi wa Mipango na Mikakati wa Benki ya Rasilimali nchini (TIB) Jaffer Machano akizungumza wakati wa kikao kifupi kati ya uongozi wa TIB na ule wa Manispaa ya Moshi juu ya Ujenzi wa kituo kipya cha kisasa cha Mabasi cha Ngangamfumuni . Kikao kinaendelea. Mstahiki Meya wa Manispaa ya Moshi ,Jafary Michael akizungumza wakati wa kikao hicho. Mkurugenzi wa Manispaa ya Moshi ,Shaban Ntarambe akitoa neno la shukrani wakati ujumbe wa Benki ya Rasilimanli nchini TIB ulipotembelea ofisini kwake kwa ajili ya kukabidhi michoro halisi ya kituo kikuu cha mabasi cha kisasa cha Ngangamfumuni . Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael ,CD ya  mchoro halisi wa Jengo la kisasa la kituo kikuu cha Mabasi cha Ngangamfumuni mkoani Kilimanjaro Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael  makabrasha ya mic
Read more

BENKI KUU YATOA TAARIFA KUHUSU UPOTOSHAJI JUU YA SARAFU YA SH ,500/

Image
  Asilimia 94 ya madini katika sarafu ya sh. 500 ni chuma na asilimia 6 ni Nickel, ameeleza Mkurugenzi wa Huduma za Kibenki katika Benki Kuu ya Tanzania, Bw. Marcian Kobello.  Pia ndivyo ilivyoelezwa wakati wa uzinduzi wa sarafu hii mnamo mwezi Septemba mwaka jana kabla haijaingizwa katika mzunguko mwezi Oktoba 2014.  Bw. Kobello amesema hadi sasa sarafu zenye thamani ya sh. 1,162,000,000/- zimekwishasambazwa kote nchini na kwamba kuna kiasi cha kutosha cha sarafu hiyo endapo itahitajika. “Hakuna kabisa madini ya fedha katika sarafu ya sh. 500,” amesema Bw. Kobello na kuongeza kuwa haitegemewi kwamba mfanyabiashara yeyote anaweza kununua sarafu hiyo kwa bei ya juu kuliko thamani yake halisi. “Kwa hiyo, tunapenda kuwafahamisha wananchi kwamba kuna kiasi cha kutosha cha sarafu za sh. 500 nchini na kwamba kununua sarafu hiyo kwa bei ya juu kuliko thamani yake ni kujiingizia hasara,” ameeleza mkurugenzi huyo. Pia ameongeza kuwa Nickel sio miongoni mwa mad
Read more