MAANDALIZI YA KILIMANJARO MARATHONI,KLABU YA RIADHA YA HOLILI YAPELEKA WANARIADHA WAKE MAZOEZINI KENYA.

Mkurugenzi wa klabu ya riadha ya Holili (HYAC) Domician Genand akizungumza juu ya maandalizi ya mbio za kimataifa za Kilimanjaro Maratahoni kwa wanariadha wake ambao baadhi yao amewapeleka nchini Kenya kwa ajili ya mazoezi.
Baadhi ya wanariadha walioko katika kambi ya klabu ya riadha ya Holili wakicheza Draft ambapo miongoni mwao yumo mkimbiaji wa Kimataifa ,Osward Levelian ambaye anajiandaa na Mbio za Marathoni kilometa 42 zitakazofanyika nchini Nchina hivi karibuni.
Mkurugenzi wa Klabu hiyo .Domician Genad akitoa maelezo namna kambi hiyo inavyoendeshwa.
Mwakilishi wa Globu ya Jamii Kanda ya Kaskazini Dixon Busagaga akifanya mahojiano na mkimbiajiwa kimataifa wa mbio ndefu Osward Levelian anayejiandaa na mbio za Marathoni nchini China.
Baadhi ya wakimbiaji wa kike wakiwa kambini Holili.
Mwalimu wa timu ya riadha ya Holili,Timoth Kamili(mwenye t-shirt nyeusi )akizungumza na mkurugenzi wa klabu hiyo,Domician Genand.
Na Dixon Busagaga,Moshi.
BAADA ya Tanzania kuendelea kufanya vibaya katika mbio za kimataifa za Kilimanjaro Marathoni klabu ya Riadha ya Holili (HYAC) ya mkoani Kilimanjaro imelazimika kuwapeleka wanariadha wake watatu nchini Kenya kwa ajili ya mazoezi ya mbio ndefu za Kilometa 42 .

Hatua hiyo imekuja baada ya wakimbiaji kutoka nchini Kenya kuendelea kuwaburuza wanariadha wa kitanzania katika mbio hizo ambazo hufanyika kila mwaka na kushirikisha mataifa zaidi ya 40 huku zikishirikisha

wakimbiaji zaidi ya 6000.

Akizungumza na Globu ya Jamii mkurugenzi wa Holili Youth Athletics Club ,Domician Genand alisema wanariadha hao ambao wanatarajia kurudi nchini Kesho walienda nchini humo kwa ajili ya kupata uzoefu toka kwa wanariadha wanao shiriki mbio mbalimbali za kimataifa.

“Ninao wanariadha watatu ambao niliamua kuwapeleka nchini Kenya kwa ajili ya kutusaidia ili wafanye mazoezi ya kilometa 42 kutokana na uwepo wa makocha wazuri na wazoefu katika mbio hizo”alisema Genand.

Alisema mbali na wanariadha hao pia wapo wanariadha wengine kutoka katika klabu yake ambao wamekuwa katika mazoezi Mbulu mkoani Arusha na wengine watakao shiriki mbio fupi za Kilometa 21 na kilometa tano wao wamekuwa wakiendelea na mazoezi katika maeneo ya Holili.

Genand alisema klabu yake bado imekuwa na Changamoto mbalimbali licha ya kwamba baadhi ya wafadhili wamejitokeza angalau kupunguza baadhi ya mahitaji kwa wanariadha hao wanaotarajia kushiriki mbio za Kilimanjaro

Marathoni.

“Unapokuwa unaweka mtu kambini kuna mahitaji mengi sana anayokuwa anahitaji,sisi tulijaribu kuandika andiko ambalo linaweza kutubeba katika kipindi hiki cha Kilimanjaro Marathoni na tulikuwa na bajeti ya Sh Mil,5 wapo ambao wametusaidia kama Marenga Investment,Bonite

Bottlers na John Hudson muandaaji wa mbio za Kilimanjaro”alisema

Genand.
Mbio hizo zinadhaniwa kuwa kati ya mbio kubwa zaidi duniani za kitalii na ndio tukio kubwa zaidi la kimichezo Tanzania. Kilimanjaro Marathon ya mwaka huu inatarajiwa kuwa na washiriki zaidi ya 6,000 wakiwemo

takribani wageni 800 kutoka nchi zaidi ya 40.

Mbio za Kilimanjaro Marathon 2015 zinaratibiwa na Executive Solutions kwa kushirikiana na Riadha Tanzania, Riadha Kilimanjaro na Kilimanjaro Marathon Club huku zikidhaminiwa na Kilimanjaro Premium Lager, Tigo,

GAPCO, Simba Cement, KK Security, Keys Hotel, TPC Sugar,  CMC Automobiles Ltd, RwandAir, FNB Tanzania, Kibo Palace Hotel, UNFPA, NSSF, Bodi ya Kahawa Tanzania, na Kilimanjaro Water.
Mwisho

Comments

Post a Comment

Popular posts from this blog

MAKATIBU WA CCM VUNJO WASEMA HAWANA UGOMVI NA KATIBU WAO WA WILAYA.

Image
Mwenezi wa Chama cha Mapinduzi Moshi vijijini  ,Hussein Jamal akizungumza wakati wa kikao cha makatibu kata na makatibu wa matawi kilichofanyika katika hotel ya King Size Himo. Mwenyekiti wa Makatibu katika jimbo la Vunjo ,Shaban Mwangi akisoma taarifa ambayo inadaiwa kupikwa kwa lengo la kukivuruga chama hicho katika jimbo la Vunjo. Baadhi ya viongozi wakisilikiliza kwa makini. Naibu kamanda wa vijana wilaya ya Moshi vijijini ,Innocent Shirima akizungumza wakati wa kikao hicho kilichokuwa na lengo la kurudisha hali ya amani na umoja ndani ya chama cha mapinduzi jimbo la Vunjo. Katibu wa Chama cha Mapinduzi wilaya ya Moshi vijijini Miriam Kaaya akizungumza wakati wa kikao hicho ambacho kilijadili pia tuhuma zilizotolewa dhidi yake. Makatibu wakila kiapo . Baadhi ya makatibu katika kikao hicho. Na Dixon Busagaga wa Globu ya jamii kanda ya kaskazini.
Read more

TIB YAKABIDHI MICHORO HALISI YA KITUO CHA MABASI KWA UONGOZI WA MANISPAA YA MOSHI.

Image
Mkurugenzi wa Mipango na Mikakati wa Benki ya Rasilimali nchini (TIB) Jaffer Machano akizungumza wakati wa kikao kifupi kati ya uongozi wa TIB na ule wa Manispaa ya Moshi juu ya Ujenzi wa kituo kipya cha kisasa cha Mabasi cha Ngangamfumuni . Kikao kinaendelea. Mstahiki Meya wa Manispaa ya Moshi ,Jafary Michael akizungumza wakati wa kikao hicho. Mkurugenzi wa Manispaa ya Moshi ,Shaban Ntarambe akitoa neno la shukrani wakati ujumbe wa Benki ya Rasilimanli nchini TIB ulipotembelea ofisini kwake kwa ajili ya kukabidhi michoro halisi ya kituo kikuu cha mabasi cha kisasa cha Ngangamfumuni . Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael ,CD ya  mchoro halisi wa Jengo la kisasa la kituo kikuu cha Mabasi cha Ngangamfumuni mkoani Kilimanjaro Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael  makabrasha ya mic
Read more

BENKI KUU YATOA TAARIFA KUHUSU UPOTOSHAJI JUU YA SARAFU YA SH ,500/

Image
  Asilimia 94 ya madini katika sarafu ya sh. 500 ni chuma na asilimia 6 ni Nickel, ameeleza Mkurugenzi wa Huduma za Kibenki katika Benki Kuu ya Tanzania, Bw. Marcian Kobello.  Pia ndivyo ilivyoelezwa wakati wa uzinduzi wa sarafu hii mnamo mwezi Septemba mwaka jana kabla haijaingizwa katika mzunguko mwezi Oktoba 2014.  Bw. Kobello amesema hadi sasa sarafu zenye thamani ya sh. 1,162,000,000/- zimekwishasambazwa kote nchini na kwamba kuna kiasi cha kutosha cha sarafu hiyo endapo itahitajika. “Hakuna kabisa madini ya fedha katika sarafu ya sh. 500,” amesema Bw. Kobello na kuongeza kuwa haitegemewi kwamba mfanyabiashara yeyote anaweza kununua sarafu hiyo kwa bei ya juu kuliko thamani yake halisi. “Kwa hiyo, tunapenda kuwafahamisha wananchi kwamba kuna kiasi cha kutosha cha sarafu za sh. 500 nchini na kwamba kununua sarafu hiyo kwa bei ya juu kuliko thamani yake ni kujiingizia hasara,” ameeleza mkurugenzi huyo. Pia ameongeza kuwa Nickel sio miongoni mwa mad
Read more