WANAFUNZI KUTOKA CHUO CHA UTALII PASIANSI WAPATA ELIMU YA USALAMA WA WATALII.

Na. Mwandishi wetu Jeshi la Polisi.

Wanafunzi toka Chuo cha Taasisi ya Taaluma ya Wanyamapori Pasiansi kutoka Mkoani Mwanza leo wamefika Katika kituo cha Polisi cha Utalii na Diplomasia Jijini Arusha kwa ajili ya kujifunza namna ambavyo Kituo hicho  kinafanya  kazi ya kuwahudumia Watalii na Wageni wanaofika Mkoani humo. 

Mkuu wa Kituo hicho, Mrakibu wa Polisi SP Waziri Tenga amebainisha kuwa wanafunzi hao wamepata fursa ya kujifunza mambo mbalimbali ikiwa ni pamoja na umuhimu wa kuzingatia usalama wa watalii na wageni pindi wanapowahudumia.

Sambamba na hilo SP Tenga amewasihi Wanafunzi hao kuhakikisha wanakwenda kutoa huduma bora kwa watalii kwa sababu wageni wengi huwa wanatarajia kuona wanapata huduma bora pindi wanapofika Nchini.

Aidha SP Tenga amewaeleza namna ambavyo kituo hicho kimeimarisha mahusiano mazuri kwa kushirikiana na taasisi nyingine za Sheria, taasisi za Kimataifa lakini pia makampuni yote ya utalii lengo likiwa ni kufikia lengo la Serikali la kuhakikisha watalii na wageni wanakua salama wakati wote.

Mkufunzi toka katika Chuo hicho Bi. Grace Mahendeka amesema lengo la kuwaleta wanafunzi hao katika kituo hicho ni kupata uzoefu wa namna gani kesi mbalimbali za utalii zinashughulikiwa katika kituo hicho lakini pia kuimarisha mahusiano baina ya taaisisi hiyo na Jeshi la Polisi.

Naye Bwana Victor Christian Mwanafunzi  toka katika Chuo hicho amesema wamejifunza mambo mbalimbali ikiwa ni pamoja uhusiano mzuri baina ya Polisi na Makampuni ya Kitalii na taaisisi nyingine ambapo wamepata fursa ya kuona namna ambavyo kesi zinaendeshwa katika Kituo hicho.

Aidha amebainisha kuwa kupitia elimu waliyoipata itawasaidia kuwa na mahusiano mazuri baina yao na taasisi mbalimbali ikiwa ni pamoja na Jeshi la Polisi lengo likiwa ni kuhakikisha watalii wanakua salama.






Comments

Post a Comment

Popular posts from this blog

MAKATIBU WA CCM VUNJO WASEMA HAWANA UGOMVI NA KATIBU WAO WA WILAYA.

Image
Mwenezi wa Chama cha Mapinduzi Moshi vijijini  ,Hussein Jamal akizungumza wakati wa kikao cha makatibu kata na makatibu wa matawi kilichofanyika katika hotel ya King Size Himo. Mwenyekiti wa Makatibu katika jimbo la Vunjo ,Shaban Mwangi akisoma taarifa ambayo inadaiwa kupikwa kwa lengo la kukivuruga chama hicho katika jimbo la Vunjo. Baadhi ya viongozi wakisilikiliza kwa makini. Naibu kamanda wa vijana wilaya ya Moshi vijijini ,Innocent Shirima akizungumza wakati wa kikao hicho kilichokuwa na lengo la kurudisha hali ya amani na umoja ndani ya chama cha mapinduzi jimbo la Vunjo. Katibu wa Chama cha Mapinduzi wilaya ya Moshi vijijini Miriam Kaaya akizungumza wakati wa kikao hicho ambacho kilijadili pia tuhuma zilizotolewa dhidi yake. Makatibu wakila kiapo . Baadhi ya makatibu katika kikao hicho. Na Dixon Busagaga wa Globu ya jamii kanda ya kaskazini.
Read more

TIB YAKABIDHI MICHORO HALISI YA KITUO CHA MABASI KWA UONGOZI WA MANISPAA YA MOSHI.

Image
Mkurugenzi wa Mipango na Mikakati wa Benki ya Rasilimali nchini (TIB) Jaffer Machano akizungumza wakati wa kikao kifupi kati ya uongozi wa TIB na ule wa Manispaa ya Moshi juu ya Ujenzi wa kituo kipya cha kisasa cha Mabasi cha Ngangamfumuni . Kikao kinaendelea. Mstahiki Meya wa Manispaa ya Moshi ,Jafary Michael akizungumza wakati wa kikao hicho. Mkurugenzi wa Manispaa ya Moshi ,Shaban Ntarambe akitoa neno la shukrani wakati ujumbe wa Benki ya Rasilimanli nchini TIB ulipotembelea ofisini kwake kwa ajili ya kukabidhi michoro halisi ya kituo kikuu cha mabasi cha kisasa cha Ngangamfumuni . Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael ,CD ya  mchoro halisi wa Jengo la kisasa la kituo kikuu cha Mabasi cha Ngangamfumuni mkoani Kilimanjaro Mkurugenzi mkuu wa Benki ya Rasilimali nchini (TIB) Peter Noni  akimkabidhi Mstahiki Meya wa Manispaa ya Moshi Jafary Michael  makabrasha ya mic
Read more

BENKI KUU YATOA TAARIFA KUHUSU UPOTOSHAJI JUU YA SARAFU YA SH ,500/

Image
  Asilimia 94 ya madini katika sarafu ya sh. 500 ni chuma na asilimia 6 ni Nickel, ameeleza Mkurugenzi wa Huduma za Kibenki katika Benki Kuu ya Tanzania, Bw. Marcian Kobello.  Pia ndivyo ilivyoelezwa wakati wa uzinduzi wa sarafu hii mnamo mwezi Septemba mwaka jana kabla haijaingizwa katika mzunguko mwezi Oktoba 2014.  Bw. Kobello amesema hadi sasa sarafu zenye thamani ya sh. 1,162,000,000/- zimekwishasambazwa kote nchini na kwamba kuna kiasi cha kutosha cha sarafu hiyo endapo itahitajika. “Hakuna kabisa madini ya fedha katika sarafu ya sh. 500,” amesema Bw. Kobello na kuongeza kuwa haitegemewi kwamba mfanyabiashara yeyote anaweza kununua sarafu hiyo kwa bei ya juu kuliko thamani yake halisi. “Kwa hiyo, tunapenda kuwafahamisha wananchi kwamba kuna kiasi cha kutosha cha sarafu za sh. 500 nchini na kwamba kununua sarafu hiyo kwa bei ya juu kuliko thamani yake ni kujiingizia hasara,” ameeleza mkurugenzi huyo. Pia ameongeza kuwa Nickel sio miongoni mwa mad
Read more